[i57-]
DE LA VILLE DE PARIS.
405
veulle, que chascun chef d'hostel ayt à soy tenir en armes lout prest à sa porte, pourveu qu'il soyt valide et d'âge compétant, sinon seront tenuz tenir ung homme armé et prest pour blasmer et faire lout ce qu'ilz pourront pour empescher la sédition et favo­riser la justice et ministres commis à tenir la force pour le Roy.
"Faict au Bureau, le neufviesme jour de De­cembre mil vc lxxi.n
Pareil mandement fut expedié et envoyé à An­thoine Huault, et à l'instant à tous les autres Quar­tiniers de lad. Ville, où fut ostée la clause faisant mention desd, colle.ges.
#e par les Prevost des Marchans el Eschevins de la Ville de Paris.
"Veu le rapport qui a esté faict au Bureau de la Ville par Mathieu Feucher, sergent d'icelle, du reffuz que l'hostesse du Papegault a faict de venir presen­tement en l'Hostel de lad. Ville, et après avoir oy le Procureur du Roy et d'icelle Ville, ce requerant, il est ordonné que commandement sera presentement faict à lad. hostesse, pour l'absence de son mary, de licentier et donner congé à ses hostes pour ceste nuict, et jusques ad ce que aultrement il en ayt esté ordonné, et qui luy sera enjoinct, en peine de cinq cens livres parisis d'amende, de recevoir et loger au lieu de sesd, hostes trente hommes de cheval pour ceste presente nuict, en payant par eulx au taux et pris des aultres.
"Faict au Bureau de la Ville, ce neufviesme jour de Decembre mil vc lxxi.-
De par les Prevost des Marchans et Eschevins de la Ville de Paris. «Sire Macé Bourlon, Quartinier de lad. Ville, nous vous mandons que vous ayez à vous saisir des clefz de la porte Sainct Denis, et ne laisser quc le guichet d'icelle seullement ouvert, tant pour le passaige des courriers que aultres. Si n'y faictes faulte.
"Faict au Bureau, le neufiesme Decembre mil
Ve LXXl.55
Pareilz mandemens feurent expédiez aux autres Quartiniers de lad. Ville, pour les portes dont ilz ont eu charge, chacun pour son regard.
8. — [Le Prévôt des Marchands
et les Echevins
siègent ex permanence à l'hôtel de vllle.]
9 décembre 1571. (A, fol. a46 v"; B, fol. 171 v°.)
Du dimanche neufiesmejour desd, mois et an.
Ce jour, Messieurs les Prevost des Marchans et Eschevins feurent en l'Hostel d'icelle Ville, tant le matin que l'après disnée, où ilz mandèrent tout le jour les cappitaines des trois nombres d'archers, ar­balestriers et harquebuziers et ceulx de leurs com­pagnies, pour estre employez, si l'occasion se pre­sentoit, à favoriser la justice et empescher toute esmotion et sédition populaire; allerent par plusieurs fois par devers Messieurs les Prevost de Paris, en son logis, et officiers du Chastellet audict Chastellet, affin d'adviser ensemble ad ce qui estoit requis et necessaire pour contenir le peuple et conserver cesle-dicte Ville; assistèrent] à la publication qui fut faicte par la Ville de l'ordonnance dud. Prevost de Paris, mandèrent assavoir le Maistre de l'Artillerie d'icelle Ville; feirent assembler le Conseil de la Ville sur le seoir, que l'on leur vint rapporter audict Hostel de Ville qu'il y avoit grande assemblée de peuple en la rue Sainct Denys et ès environs dc Sainct Inno­cent, qui s'efforceoient en aulcuns lieulx contraindre les bourgeois ayant les chesnes en leurs maisons de
les tendre, jusques au nombre de.....'"' personnes
ou plus, faisans grande insolence; mandèrent de rechef tous lesd, archers, arbalestriers, harquebu­ziers et aultres, qu'ilz feirent tenir toute la nuict en l'Hostel d'icelle Ville.
"Monsieur le premier President, plaise vous trou­ver ce jour d'huy, neuf heures du seoir, en l'Hos­tel de ceste Ville, pour adviser à donner ordre sur la grande sédition et esmotion populaire qui est à present et se prépare encores davantaige en ceste Ville. Vous priant n'y voulloir faillir, d'aultant qu'il y va de la conservation d'icelle Ville.
"Faiictau Bureau, ce neufiesmejour de Decembre mil vc lxxi.
"Excusez nous, s'il vous plaist, de l'heure, car la necessité nous contrainct,
«Les Prevost des Marchans el Eschevins de la Ville de Paris,
t; Tous vostres. ■»
(L) Blanc dans les deux Registres.